Engaged na ngayon ang dating child star na si Makisig Morales sa kanyang girlfriend na isang beauty queen.
Sa Insatram post ni Miss Earth Australia Charity 2017 Nicole Watts, ibinahagi nito na isa nilang dinner date sa Australia ay inalok siya ng kasal ni Makisig.
Makikita sa post ang kanyang engagement ring at ang isang dessert plate kung saan nakasulat ang mga katagang “Will you marry me?”
Sa hiwalay naman na post sa Instagram account ni Makisig ay pormal na nitong ipinakilala si Nicole bilang kanyang fiance.
Hawak din ng half-Pinay, half-Australian beauty queen ang New South Wales (NSW) State Finalist for Miss World Australia 2017 title.
Sa ngayon ay wala pang inilalabas na detalye ang dalawa ukol sa kanilang kasal.