Nagtipun-tipon ang mga siklista at iba pang grupo ng environmentalists sa Japanese embassy ngayong araw ng Linggo, para makilahok sa protesta bilang pagkondena sa taunang paghuli at pagkatay ng dolphins sa Taiji, Japan.
Bitbit ang iba’t ibang banners, ang iba may suot pang mala-dolphin, iginiit ng mga ito na itigil ang paghuli at pagkatay sa mga dolphin na siyang magsisimula ngayong Setyembre.
Sigaw nila, “stop the hunt, stop the kill, save the dolphins!”
Ayon kay Trixie Gonzales, Regional Director ng Earth Island Institute Philippines, hindi makatarungan ang pagmasaker sa mga lumba-lumba maging sa balyena.
Hindi rin aniya tama na gamitin ang mga ito “for entertainment” dahil mapanganib ito sa buhay ng mga lumba-lumba at humahaba na rin ang marine mammal deaths.
Sa mga nakalipas na taon, patuloy ang dolphin hunting sa Japan. At sa katunayan, noong 2016 hanggang 2017 ay aabot sa 610 ang napatay.
Pero malayo aniya ito sa mahigit na dalawang libong quota, na patunay na epektibo ang kampanya laban sa dolphin hunt and captivity.
Sa panig naman ng mga Pilipino, sinabi ni Concepcion na may responsibilidad ang mga tao na protektahan ang bansa, bilang sentro ng biodiversity ng mundo.
Mga siklista at iba pang grupo, nagtipon sa Japanese embassy para makilahok sa protesta bilang pagkondena sa taunang paghuli at pagkatay ng dolphin sa Taiji, Japan. @dzIQ990 pic.twitter.com/dCFnU89YdO
— Isa Avendaño-Umali (@isaavendanoDZIQ) September 2, 2018