MMDA: Towing operations tuloy maliban sa Mabuhay lanes
Itinanggi ng Metro Manila Development Authority o MMDA na ipatutupad nila sa buong Metro Manila ang “towless policy” sa mga illegally parked na sasakyan.
Nilinaw ni MMDA Spokesperson Asec. Celine Pialago na ipapatupad lamang nila ang towless policy sa Mabuhay lanes habang tuloy ang towing sa iba pang major thoroughfares.
Inihalimbawa ni Pialago ang Baclaran area na tuloy pa rin ang paghatak sa mga sasakyang nakaharang sa mga kalsada.
Ayon kay Pialago, nakapag-isyu na sila ng nasa 100 tiket sa dalawang araw na towless policy sa mga Mabuhay lane.
Sa datos ng MMDA mayroong kabuuang 17 Mabuhay routes sa buong Metro Manila.
Ang nasabing mga secondary roads ang siyang inirerekomenda ng MMDA bilang alternatibong kalsada sa Edsa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.