SoKor President Moon magpapadala ng special envoy sa North Korea

Magpapadala ng special envoy sa North Korea si South Korean President Moon Jae-in sa Miyerkules, September 5.

Ito ay upang pag-usapan ang planong summit kasama si North Korean leader Kim Jong Un, pagpapaunlad sa bilateral relations ng dalawang bansa at ang negosasyon sa nuclear weapons ng NoKor.

Ayon kay Presidential Spokesman Kim Eui-kyeom, tinanggap na ng Pyongyang ang mungkahing pagpapadala ng envoy.

Hindi pa naman pinapangalanan kung sino ang ipapadalang kinatawan sa North Korea.

Dalawang beses nang nagpupulong sina Moon at Kim matapos ang makasaysayang summit sa truce village sa Panmunjom noong Abril.

Nagkasundo ang dalawa na masusundan ang kanilang pagkikita sa Pyongyang sa hindi pa inaanunsyong eksaktong petsa ngayong Setyembre.