Pinoy boxer Rogen Ladon, umabante sa gold-medal match sa 2018 Asian Games
Malaki ang posibilidad na umabot sa lima ang gintong medalya ng Pilipinas sa 2018 Asian Games sa Jakarta, Indonesia.
Ito’y makaraang magwagi via unanimous decision ang 24-anyos na boksingerong si Rogen Ladon laban kay Yuttapong Tongdee ng Thailand sa men’s flyweight division semifinals.
Sa iskor na ng mga hurado na 30-27, 30-27, 29-28, 29-28, 30-27, panalo si Ladon kontra kay Tongdee.
Dahil dito, umabante si Ladon sa gold-medal match na nakatakdang gawin sa Sabado (September 1).
Makakatunggali ng Pinoy boxer si Jasurbek Latipov ng Uzbekistan.
Sakali namang mabigong manalo si Ladon, tiyak pa rin na maiuuwi niya ang silver medal.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.