Performance night ng all-Filipino girl band na 4th Impact sa X Factor UK, sa November 1 na
Video Courtesy of RTL CBS Asia
Ang all-Filipino girl group na 4th Impact at ang Fil-British singer na si Seann Miley Moore ang dalawa sa Final 12 na unang nakapasok sa LIVE Shows ng The X Factor UK.
Hinangaan ni X Factor judge Cheryl Fernandez-Versini ang magkakapatid na Mylene, Celina, Irene at Almira Cercado na bumubuo sa 4th Impact (dating 4TH Power) sa kanilang performance ng Rihanna hit na “Love The Way You Lie.”
Nagtungo pa ang 4th Impact sa bahay ni Versini sa Rome, Italy at dito ay napa-wow siya ng Cercado sisters, “… I was choked, I got goose bumps, I feel weird”.
Samantala, pasok din sa LIVE Show ang Filipino-British na si Seann Miley Moore sa Boys category.
Inawit ni Moore sa harap ng judge na si Nick Grimshaw ang “This Woman’s Work” ni Kate Bush na ang kanyang nanay daw ang iniisip habang kumakanta, “You did your mom proud” ani Grimshaw.
Makikipagtagisan ang 4TH Impact sa iba pang grupo gaya ng Alien Uncovered at Reggie n Bollie habang si Moore naman ay makakalaban sina Mason Noise at Che Chesterman sa Boys Category.
Sa Overs category naman ay maglalaban sina Anton Stephans, Bupsi Brown and Max Stone samantalang sina Louisa Johnson, Lauren Murray at Kiera Weathers sa Girls category mula kay Judge Rita Ora.
Ang Live show ay magsisimula sa Linggo, November 1 at ang Results Show ay sa Lunes, November 2.
The X Factor UK ay mapapanood ng live via satellite sa RTL CBS Entertainment HD tuwing Linggo at Lunes 10:30am at ang encore o replay ay 9:00pm.
Ang RTL CBS Entertainment HD ay nasa channel 53 (SD) at 196 (HD) sa SkyCable, Destiny Cable channel 53, Dream Satellite channel 17 at Cablelink channels 37(SD), 313 at 800(HD). May pahintulot ng RTL CBS Entertainment HD ang pag-gamit ng Radyo Inquirer ng video tungkol sa X-Factor na kinatatampukan ng 4th Impact.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.