Ayon kay MPD Director Rolando Anduyan, dinakip ang mga naturang indibidwal sa ilalim ng Anti-Criminality campaign mula alas-singko ng umaga kahapon (August 30) hanggang alas-singko ng Biyernes ng umaga (August 31).
Kabilang sa mga nilabag na kautusan ng mga naaresto ay pag-inom ng alak sa pampublikong lugar, paglalakad na walang suot na damit na pang-itaas, paninigarilyo sa pampublikong lugar at iba pa.
Sa bilang na ito, 55 ang hinuli dahil sa pag-inom ng alak, 120 naman dahil sa paninigarilyo sa kalye, 99 ang walang suot na pang-itaas at 39 bunsod ng paglabag sa iba pang ordinances.
Paalala ni Anduyan sa mga Manilenyo, sumunod sa mga kautusan at batas dahil malaking istorbo kapag naaaresto.