Drug suspect sa Quezon City napahamak sa pag-ihi sa pader

Arestado ang isang lalaki na umihi sa ipinagbabawal na lugar sa Brgy. Bagong Pag asa sa Quezon City.

Naaktuhan ng mga nagpapatrol na tauhan ng Masambong Police Community Precinct ang suspek na si Danny Abalos, 37 anyos habang umiihi sa bahagi ng Agham Road sa harap ng Philippine Science.

Dahil dito, sinita siya ng mga pulis at sinabihang bawal ang ginawa niyang pag-ihi sa lugar.

Nang kapkapan si Abalos, nakuha sa kaniya ang isang piraso ng maliit na plastic sachet na hinihinalang naglalaman ng shabu.

Dahil dito, maaring maharap si Abalos sa kasong paglabag sa Republic Act 9165.