100 barangay sa Myanmar binaha dahil sa pag-uulan

Nag-overflow ang central dam ng Myanmar dahil sa patuloy na nararanasang pag-uulan dala ng monsoon.

Dahil dito ay 100 mga barangay ang binaha, kung saan maging ang pinakamalaking highway ay hindi ngayon madaanan.

Ayon sa mga otoridad, wala naman silang naitalang nasawi dahil sa pagbaha ngunit maraming mga residente ang kinailangang magsilikas at kasalukuyang naninirahan sa mga temporary shelters.

Dahil sa dami ng tubig-ulan ay nasira ang isang bahagi ng Yangon-Mandalay highway.

Sa estimate ng mga otoridad, nasa 12,000 na mga pamilya ang naapektuhan ng malawakang pagbaha.