Malacañang: Walang masama sa pagsama ng PNP at AFP officials sa Israel

By Chona Yu August 28, 2018 - 05:58 PM

Nanindigan ang Malacañang na walang masama sa balak ni Pangulong Rodrigo Duterte na isama sa kanyang biyahe patungong Israel sa Setyembre 2 hanggang 5 ang mga paretirong opisyal ng militar at pulis.

Pahayag ito ng palasyo matapos batikusin ni Senador Panfilo Lacson ang pagbibitbit ng pangulo bilang reward o pabuya sa mga opisyal ng militar at pulis na nagsilbi sa bayan.

Ayon kay Presidential Spokesman Harry Roque, may sariling agenda ang mga opisyal ng militar at pulis at tiyak na makakukuha ng mga benepisyo sa pakikipagpulong sa kanilang counterpart lalo na sa usapin sa extremism at terorismo.

Inihalimbawa pa ni Roque ang ginawa ng pangulo nang magsama rin ng mga opisyal ng PNP at AFP sa Russia noong Mayo ng nakaraang taon.

Pagkatapos ng Israel trip ay sunod na bibistahin ng pangulo ang Jordan.

“As a part of gesture for appreciation is part of the reason why they will be joining the trip. But obviously, for security personnel, a trip to Israel would entail collaborating and mingling with security forces of Israel in order for our men in uniform to benefit from the experience of Israel, particularly in their drive against extremism and terrorism”, dagdag pa ni Roque.

TAGS: AFP, Jordan, lacson, PNP, Roque, AFP, Jordan, lacson, PNP, Roque

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.