Burgos, Surigao del Norte niyanig ng magnitude 4.0 na lindol

Niyanig ng magnitude 4.0 na lindol ang bayan ng Burgos sa lalawigan ng Surigao del Norte.

Naitala ang lindol sa 89 kilometers north east ng Burgos alas 12:37 ng tanghali ng Martes, Aug. 28.

Ayon sa Phivolcs may lalim na 8 kilometers ang lindol at tectonic ang origin.

Hindi naman ito inaasahang magdudulot ng pinsala at aftershocks.