22,000 sako ng smuggled na bigas nasabat sa Basilan

Aabot sa 22,000 sako ng bigas ang nasabat ng mga tauhan ng Philippine Coast Guard (PCG) sa dalawang barko sa karagatang sakop ng Tamuk Island sa Basilan.

Habang nagsasagawa ng Maritime Patrol ang mga tauhan ng Coast Guard sa M/L Overseas at M/L Nadeepa ay natuklasan ang saku-sakong mga smuggled na bigas.

Nang hingan ng papel ay walang naipakitang karampatang dokumento ang mga crew ng dalawang barko.

Agad pinigil ng Coast Guard ang dalawang barko at inasistihan patungo sa Zamboanga City Port.

Nai-turnover na rin ng Coast Guard sa Bureau of Customs ang mga nasabat na bigas.