Sugatan ang sampung katao sa karambola ng tatlong mga sasakyan sa Commonwealth Avenue sa Quezon City.
Naganap ang karambola sa bahagi ng Barangay Old Balara.
Galing ng Cubao at pauwi ng Montalban ang UV Express na minamaneho ni Rolando Seguro nang ito ay banggain ng isa pang sasakyan.
Nagpaikot-ikot pa ang UV at pagtapos ay tinamaan ng isang paparating na pammpasaherong bus.
Sinabi ni Seguro na nagulat siya nang biglang binangga ang kaliwang bahagi ng kaniyang sasakyan.
Hawak na ng mga tauhan ng Quezon City Traffic ang driver ng asul na sasakyanna si Chito Fortu na sinasabing bumangga sa UV.
MOST READ
LATEST STORIES