Matapos mawala sa limelight ang Kapamilya actor na si John Lloyd Cruz ay nakita ito kasama ang ilang mga kaibigan sa showbiz sa isang bar sa Quezon City.
Sa magkasunod na Instagram post ng singer na si Dong Abay ay makikitang kasama niya si John Lloyd, maging ang aktor na si Ronnie Lazaro sa ’70s Bistro sa Quezon City noong August 23.
Sa caption ng post ay sinabi ni Dong na naroon sila upang suportahan ang pagtatanghal ng anak ni Ronnie na si Gabriel.
Ipinagmalaki pa nito na natanggap si Gabriel sa Berklee College of Music.
Sa ngayon ay wala pang inilalabas na opisyal na pahayag ang celebrity couple na sina Lloydie at Ellen Adarna kung sa Metro Manila na sila maninirahan.
Matatandaang madalas sa Cebu ang dalawa at doon din ipinanganak ni Ellen ang kanilang first baby.