Pagkain ng binukbok na bigas, pangungunahan ni Aquino – NFA

Pangungunahan ni National Food Authority (NFA) administrator Jason Aquino ang pagkain ng mga binukbok na bigas na isinailalim sa fumigation at quarantine.

Sa panayam ng Radyo Inquirer, sinabi ni NFA spokesman Rex Estoperez na ito ay para patunayan sa publiko na ligtas pa ring kainin ang NFA rice na binukbok o naapektuhan ng peste.

Sa ngayon, aabutin pa ng pito hanggang 12 araw ang pagsasailalim sa fumigation sa binukbok na NFA rice.

Aabot sa 177,00 na sako ng NFA rice ang binukbok sa Albay habang 133,000 na sako ng NFA rice naman ang binukbok sa Subic, Zambales.