Number coding scheme suspendido mula Oct. 30 hanggang Nov. 1
Suspendido simula October 30 hanggang November 1 ang pagpapatupad ng Metropolitan Manila Development Authority (MMDA) ng number coding scheme.
Sa kanyang pahayag, sinabi ni MMDA officer-in-charge Emerson Carlos na sinuspinde nila ang number coding para mabigyan ng laya ang lahat ng mga motorista na magamit ang kani-kanilang mga sasakyan sa nasabing mga araw para makadalaw sa mga sementeryo.
Pero paglilinaw ni Carlos, sa Lunes November 2 ay balik na sila sa pagpapatupad ng number coding sa kalakhang Maynila.
Pero bilang kunsiderasyon sa mga biyahero, suspended pa rin sa November 2 ang number coding para sa mga provincial buses dahil sa inaasahang dagsa ng mga pasahero pabalik ng Metro Manila.
Simula naman bukas ay magde-deploy na ng dagdag na pwersa ang MMDA sa mga pangunahing sementeryo sa Metro Manila bukod pa sa mga malalaking shopping malls.
Nakikipag-ugnayan na rin sila sa iba’t ibang mga local government units kaugnay naman sa mga traffic re-routing na gagawin sa mismong araw ng undas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.