Impeachment laban sa 7 SC justices maaaring magresulta ng constitutional crisis – Rep. Umali
Nangangamba si dating House Committee on Justice Chairman Oriental Mindoro Rep. Reynaldo Umali na mauwi sa Constitutional crisis ang impeachment complaint laban sa pitong mahistrado ng Supreme Court na pumabor sa quo warranto petition laban kay dating Chief Justice Maria Lourdes Sereno.
Ayon kay Umali, wala siyang nakikitang paglabag sa Saligang Batas sa naging desisyon nina Associate Justices Teresita Leonardo-de Castro, Diosdado Peralta, Lucas Bersamin, Francis Jardeleza, Noel Tijam, Andres Reyes Jr. at Alexander Gesmundo sa quo warranto petition na inihain ni Solicitor General Jose Calida.
Sinabi ni Umali na pamumulitika lamang ang ginawa ng mga complainant na naghain ng reklamo.
Dapat anyang naghinay-hinay sina Albay Rep. Edcel Lagman, Magdalo Rep. Gary Alejano, Ifugao Rep. Teddy Baguilat at Akbayan Rep. Tomas Villarin sa kanilang hakbang.
Gayunman, sinabi nito na inirerespeto niya ang paghahain ng impeachment complaint nina Lagman sapagkat karapatan naman nila ito.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.