Drug suspect arestado sa Cebu matapos makuhanan ng mahigit P300K na halaga ng ilegal na droga

Arestado ang isang 29-anyos na drug suspect sa ikinasang operasyon ng mga otoridad sa Cebu City.

Isinagawa ang operasyon pasado alas 6:00 ng umaga ng Biyernes (Aug. 24) sa Sitio Ponce 2, Barangay Tejero.

Nakuha mula sa suspek na si Rolly Laborte ang 30 gramo ng hinihinalang shabu na tinatayang aabot sa P384,000 ang halaga.

Ayon kay Police Supt. Glenn Mayam, hepe ng Drug Enforcement Group (DEG) ng Visayas, dalawang linggo din nilang isinailalim sa monitoring si Laborte.

Nasa jail facility ngayon ng Cebu City Police Office (CCPO) ang suspek.