DOJ blangko sa balitang nakalabas na ng bansa si Peter Lim

Blangko pa ang Department of Justice (DO) sa ulat hinggil sa sinasabing paglabas ng bansa ni suspected drug lord Peter Go Lim gamit ang backdoor exit.

Ayon kay Justice sec. Menardo Guevarra, wala pang nakakarating sa kanyang impormasyon hinggil sa sinasabing pagrenta ng barko ni Lim sa Palawan patungo ng Malaysia.

Inihayag ni Guevarra na sakali mang totoo ang nasabing report, ipinauubaya na aniya nila sa international law enforcement agencies ang paghahanap sa kanya.

Una nang nagpalabas ang Makati RTC ng warrant of arrest at hold departure order laban kay Lim kaugnay ng kanyang kasong conspiracy to commit illegal drug trade.