Kasalo ni Pangulong Duterte sa dinner, dating Climate Change Commissioner

By Rhommel Balasbas August 22, 2018 - 03:21 AM

International Institute for Sustainable Development/ Climate Change Commission

Nalaman na ang pagkakakilanlan ng isang babae na kasama ni Pangulong Rodrigo Duterte sa live video na ipinost ni Special Assistant to the President Bong Go noong Lunes.

Ang naturang live video ay isinagawa upang pasinungalingan ang mga haka-haka tungkol sa kalusugan ng pangulo.

Nakilala na ang babae na una lamang pinangalanan ng pangulo na ‘Vernice’ at sinabing ito ay mula sa Harvard University.

Ang babaeng ito ay si Frances Veronica ‘Vernice’ Victorio na isa dating commissioner ng Climate Change Commission.

Ang dating opisyal ay itinalaga ni dating pangulong Benigno ‘Noynoy’ Aquino sa ahensya noong 2016.

Pinalitan ni Victorio si Mary Ann Lucille Sering na itinalaga ni dating Pangulong Gloria Macapagal Arroyo.

Samantala, sa live video, matatandaang nagbiro pa ang pangulo na talagang babangon siya sa pagka-comatose kung ang makikita ay si Victorio.

TAGS:

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

No tags found for this post.
Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.