Balitang engage na si Luis Manzano kay Jessy Mendiola, OK lang kay Ate Vi
Nagsalita na ni Batangas 6th District Representative Vilma Santos-Recto hinggil sa kumakalat na balitang engaged na umano ang kaniyang anak na si Kapamilya host Luiz Manzano at Star Magic talent na si Jessy Mendiola.
Sa ika-80 birthday celebration ni Mother Lily Monteverde, sinabi ni Vilma na hindi siya maaaring manguna sa dalawa.
Sina Luis at Jessy aniya dapat ang mag-anunsiyo kung anuman ang totoo sa naturang balita.
Aniya, wala itong problema sa kaniya dahil matanda na aniya si Luis para magdesisyon sa kaniyang buhay.
Pag-aamin ng award-winning actress, napag-uusapan na nina Luis at Jessy ang pag-aasawa.
Tiniyak din nito na may blessing niya kung anuman ang maging desisyon ng dalawa basta’t masaya ang magka-relasyon.
Matatandaang nagsimulang kumalat ang balitang engaged na ang dalawan matapos mag-upload si Luis ng video sa kaniyang Instagram stories na makikitang pinag-uusapan nila ni Jessy ang iba’t ibang tema ng kasal.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.