Nasunog ang isang tourist bus sa bahagi ng C5-Kalayaan Avenue sa Quezon City, Lunes ng umaga (August 20).
Base sa inisyal na impormasyon mula kay JC Sto. Domingo ng Metropolitan Manila Development Authority (MMDA) Metrobase, 11:13 ng umaga nang may tumawag na isang concerned citizen kaugnay sa nasusunog na Kings Coach tourist bus sa bahagi ng southbound ng C5 – Kalayaan Avenue.
Naapula ang apoy ng bus dakong 11:30 ng umaga, at wala namang naitalang nasugatan sa insidente pero nagdulot ito ng pagbigat ng daloy ng trapiko mula sa Kalayaan Ave. hanggang Julia Vargas Avenue.
Patuloy naman ang isinasagawang imbestigasyon ng Bureau of Fire Protection (BFP) para matukoy ang sanhi ng pagliyab ng tourist bus.