China nakakuha ng unang gintong medalya sa Asian Games

Nakuha ng Chinese wushu athlete na si Sun Peiyuan ang kauna-unahang gintong medalya sa 2018 Asian Games.

Natalo ng 28-anyos na atleta ang pambato ng Indonesia na si Edgar Xavier Marvelo sa Chinese martial art men’s changquan category sa iskor na 9.75.

Matatandaang nakapag-uwi ng China ng kabuuang 151 gintong medalya sa 2014 Games sa Incheon.

Samantala, nakuha naman ng Taiwanese athlete na si Tsai Tsemin ang unang bronze medal ngayong Asian Games.