Base kasi sa June 2018 survey ng Social Weather Stations, 32 percent ng mga respondents ay nagsabing gumanda ang kanilang buhay habang 27 percent ang nagsabing lumubha ang buhay nito para sa net gainers score na +5.
Mas mababa ito ng 15 points sa +20 na naitala noong march 2018 at maituturing na pinakamababa mula +3 na naiposte noong April 2016.
Gayunman, kumpiyansa si Roque na bubuti ang kalagayan ng ekonomiya dahil sa nananatili ang fundamentals ng bansa.
Naniniwala din ng kalihim na pansamantala lamang ang nararanasang hamon sa ekonomiya tulad ng pagpalo ng inflation rate sa 5.7 percent nitong hulyo pati na ang mabagal kaysa sa inaasahang growth rate.
Samantala, lumabas din sa survey na nananatiling excellent ang optimism ng mga Pinoy dahil 49 percent sa mga respondent ay naniniwalang gaganda ang buhay sa susunod na 12 buwan habang 5 percent ang naniniwalang lalo pang lala ang buhay nila.