NCRPO Chief Eleazar binigyan ng promosyon ni Pang. Duterte, isa nang 2-star general

Binigyang promosyon ni Pangulong Rodrigo Duterte si National Capital Region Police Office (NCRPO) director, Chief Supt. Guillermo Eleazar.

Mula sa pagiging chief superintendent promoted na bilang police director (2-star general) si Eleazar.

Ang promosyon ay ipinagbigay-alam ng Office of the President kay Department of the Interior and Local Government (DILG) officer-in-charge Eduardo Año.

Nakasaad sa liham na ang promosyon kay Eleazar ay inindorso ng Civil Service Commission at inirekomenda ng National Police Commission.

Si Eleazar na miyembro ng Philippine Military Academy Class of 1987 ay hinirang na NCRPO chief noong June 2018.