Residential units sa Tondo Maynila tinupok ng apoy

Tinupok ng apoy ang ilang mga bahay sa Tondo Maynila, Biyernes ng madaling araw.

Nagsimula ang sunog pasado ala 1:00 ng madaling araw at iniakyat sa 2nd alarm makalipas lang ang ilang minuto.

Naganap ang sunog sa San Antonio Street, Recto, Tondo Maynila.

Ayon sa Philippine Red Cross agad nag-dispatch ng fire truck at ambulansya mula sakanilang National Headquarters sa Port Area para tumulong sa pag-apula ng apoy at sa mga naapektuhang residente.

Alas 2:46 ng madaling araw nang ideklarang fire out na ang sunog.

Inaalam pa kung ano ang pinagmulan ng apoy at halaga ng mga natupokn na ari-arian.