Nag-anunsiyo na si Marikina Mayor Marcy Teodoro ng suspensiyon ng klase sa lungsod.
Sa abiso ng Marikina PIO, kanselado ang klase sa lahat ng antas ng mga pribado at pampublikong paaralan bukas, August 16, hanggang sa Biyernes, August 17.
Ayon kay Teodoro, ito ay dahil lubog pa rin sa putik ang mga kalsada sa lungsod, lalo na ang mga loobang bahagi nito.
Kailangan pa aniya ng mga residente ng karagdagang panahon para maisaayos ang kanilang mga tahanan.
Maliban dito, kasama ring aayusin ang mga paaralan na nagsilbing evacuation centers ng mga apektadong residente.
Nagparating naman ng pasasalamat ni Teodor sa mga kooperasyon ng mga residente at patuloy na nagpapaabot ng tulong sa lungsod.
MOST READ
LATEST STORIES