Tukoy na ng Bureau of Customs ang broker ng shipment ng metallic lifters na sinasabing naglalaman ng shabu na natagpuan sa GMA, Cavite at sa Manila International Container Port (MICP).
Sa pagdinig ng House Committee on Dangerous Drugs sinabi ni Customs Intelligence Chief Jeffrey Tacio na nakontak na nila ang broker na hindi muna nito pinangalanan.
Tumanggi anya ang broker sa anumang partisipasyon sa shipment ng shabu sa bansa.
Handa rin anya ang broker na makipagtulungan sa anumang imbestigasyon kaugnay sa pagpasok ng kargamento.
Sinabi nito, nagsasagawa na sila ng imbestigasyon kaugnay sa nasabing shipment.
Nagsimula na rin anya ang mga ito ng backtracking katulong ang PDEA para mabatid kung saan nanggaling ang nasabing shipment.