Meycauayan, Bulacan isinailalim na sa state of calamity

Isinailalim sa state of calamity ang Meycauayan, Bulacan bunsod ng pinsala mula sa pag-uulan na dulot ng Habagat.

Ayon kay Rosario Gonzales ng city disaster office, sinabayan ng high tide ang malakas na ulan kaya binaha ang syudad.

Apektado ang 18 sa 26 barangay at nasa evacuation center ang mahigit 50,000 na katao.

Kabilang ang Meycauayan sa mg lugar na binayo ng hagupit ng Habagat noong weekend.

Ang naranasang malakas na ulan at pagbaha ay epekto ng Habagat na pinalakas ng lumayong 2 bagyo.