Cardinal Tagle hinimok ang mga simbahan na tumulong sa mga nasalanta ng kalamidad

Hinimok ni Manila Archbishio Luis Antonio Cardinal Tagle ang iba’t ibang parokya na buksan ang kanilang pintuan para sa mga apektado ng bagyong Barding at habagat.

Inaanyayahan ng kardinal ang lahat na manalangin para sa kaligtasan ng mga apektadong residente.

Sinabi pa ni Cardinal Tagle na maari lamang na humingi ng tulong o lumapit sa diocesan caritas at social action centers ng iba’t ibang parokya ang mga nangangailangan ng tulong.

Ayon kay Cardinal Tagle, nag-alay na ang simbahang katolika ng mga misa at panalangin para sa mga apektadong residente.

Kasabay nito, sinabi ni Cardinal Tagle na bukas din ang pintuan ng Simbahang Katolika para sa mga handing tumulong.