BFAR naglabas ng red tide warning sa ilang mga lugar
Nagbabala ang Bureau of Fisheries and Aquatic Resources (BFAR) laban sa pagkain at paghango ng mga shellfish at alamang mula sa Surigao del Sur, Bohol, Palawan at Eastern Samar.
Sinabi ni BFAR director at Agriculture Undersecretary for Fisheries Eduardo Gongona, hindi ligtas kainig ang mga nakukuhang shellfish at alamang matapos makumpirma ang red tide toxin sa mga nasabing lugar. Kabilang sa mga apektadong lugar ang :
- Hinatuan Bay, Surigao del Sur
- Lianga Bay, Surigao del Sur
- Coastal waters ng Dauis, Bohol
- Coastal waters ng Tagbilaran City, Bohol
- Puerto Princesa Bay, Palawan
- Honda Bay, Palawan
- Matarinao Bay, Eastern Samar.
Bagama’t maaring kainin ang mga isda, pusit, hipon at alimango na nakukuha sa nasabing mga lugar, kailangan lang anila na sariwa at nahugasan itong mabuti.
Dapat ring alisin ang mga lamang-loob ng mga isda bago iluto ayon sa BFAR.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.