Panukalang 2019 budget babaguhin ng Kamara

Rerepasuhin na ng Kamara ang panukalang budget para sa susunod na taon kasunod ng cash-based policy ng Department of Budget and Management (DBM).

Ayon kay House Appropriations Committee Chair Karlo Nograles, ibabalik nila sa obligation-based ang 2019 budget.

Sinabi ni Nograles na ipinatawag na nila ang DBM para sa gagawing pagbabago sa budget.

Paliwanag ng mambabatas, kung dati ay suportado nila ang cash-based bugeting policy ngayon ay umaatras na sila dito dahil sa nakita nilang negatibong epekto.

Kabilang anya rito ang pagkaltas ng budget ng ilang mga kagawaran sa kabila ng pangangailangan ng mga ito.