Hanggang sa katapusan na lamang ng buwan ng Agosto maaaring bisitahin at bumili ang mga basketball fans sa NBA stores dito sa bansa.
Sa anunsyo ng NBA Philippines ay sinabi na hanggang August 12 na lamang bukas ang kanilang tindahan sa SM Megamall. Habang sa August 15 naman nakatakdang magsara ang NBA Store sa Ayala Cebu.
Para naman sa NBA Store Trinoma at e-commerce site na NBAStore.com.ph, magsasara na ang mga ito sa August 30.
Paliwanag ng pamunuan, ang pagsasara ng kanilang mga tindahan sa bansa ay dahil sa pagtatapos ng kanilang agreement sa retail operator.
Maaari pa rin namang makabili ang mga basketball fans ng NBA merchandise sa mga piling Nike, Titan, at Toby’s Sports Stores sa bansa.
MOST READ
LATEST STORIES