Bagyong Karding napanatili ang lakas habang bahagyang bumilis
Patuloy na hahatakin ng binabantayang low pressure area (LPA) at Bagyong Karding ang Habagat na magdadala ng pag-uulan sa ilang bahagi ng bansa.
Sa 4am weather advisory ng PAGASA, huling namataan ang bagyo sa layong 730 kilometro Kanluran ng Hilagang Luzon.
Habang ang Tropical Storm Karding naman ay huling namataan sa layong 1,265 kilometro Silangan ng Basco, Batanes.
Napanatili pa rin ng bagyo ang lakas nito taglay ang hanging aabot sa 65 kilometro kada oras malapit sa gitna at pagbugsong aabot sa 80 kilometro kada oras.
Kumikilos pa ang bagyo sa direksyong Hilaga-Hilagang-Silangan sa bilis na 15 kilometro kada oras.
Patuloy na hahatakin ng dalawang weather system ang Habagat na magdadala ng mahihina hanggang sa katamtaman na paminsan-minsan ay malalakas na pag-uulan sa kanlurang bahagi ng Luzon at Visayas hanggang Biyernes.
Inaasahang lalabas ng bansa ang Bagyong Karding Biyernes ng gabi hanggang Sabado ng umaga.
Samantala, mapanganib ang paglalayag para sa mga maliliit na sasakyang pandagat sa Pangasinan, Zambales, Bataan, Cavite, Western coast ng Batangas, Occidental Mindoro at Palawan.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.