Napanatili ng Tropical Depression Karding ang lakas nito at halos hindi kumikilos habang nasa karagatan ng Pilipinas.
Sa 11pm advisory ng PAGASA, huling namataan ang bagyo sa layong 1,160 kilometro Silangan ng Calayan, Cagayan.
Taglay pa rin nito ang lakas na 55 kilometro kada oras malapit sa gitna at pagbugsong aabot sa 65 kilometro kada oras.
Walang storm warning signal ang nakataas sa anumang bahagi sa ngayon.
Ayon sa weather bureau, bagaman hindi tatama sa kalupaan, inaasahang palalakasin nito ang Habagat na magdadala ng katamtaman hanggang sa malalakas na pag-uulan sa kanlurang bahagi ng Northern at Central Luzon simula sa Biyernes.
Mapanganib ang paglalayag sa weatern seaboards ng Cental at Southern Luzon ayon sa PAGASA.
Sa Sabado inaasahang lalabas ng Philippine Area of Responsibility (PAR) ang bagyong Karding.