Nasawi ang isang sinasabing suspek sa pang-aagaw ng sasakyan matapos makipagbarilan sa mga pulis sa Tagaytay City, Cavite.
Sa ngayon ay wala pang pagkakakilanlang ang lalaking suspek.
Ayon sa mga otoridad, dumulog sa kanilang himpilan ang isang nagpakilalang nabiktima umano ng suspek.
Kwento ng biktima, tinutukan umano siya ng baril ng suspek bago inagaw umano ang kanyang kotse.
Kaya naman agad na nagkasa ng followup operation ang mga otoridad at nagtayo ang mga ito ng checkpoint sa may Silang Crossing.
Isang lalaki ang dumating sa lugar na imbes huminto sa checkpoint ay pinagbabaril ang mga otoridad. Gumanti ng putok ang mga pulis at nauwi sa engkwentro ang operasyon na nagresulta sa pagkamatay ng suspek.
Patuloy pang inaalam ng mga otoridad ang pagkakakilanlan ng nasawing lalaki.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.