De Lima, hinimok ang Senado na kilalanin ang konrtibusyon ni Carpio-Morales sa hudikatura at public service

Hinimok ni Senator Leila De Lima ang Senado na kilalanin ang naging kontribusyon ni dating Supreme Court Associate Justice at Ombudsman Conchita Carpio-Morales sa hudikatura at sebisyo publiko.

Inihain ni De Lima ang Senate Resolution No. 812, kung saan nakasaad na nagpamalas si Morales ng mataas na antas ng ethical standards sa public service na magsisilbing inspirasyon sa mga kabataan at susunod na henerasyon ng mga Pilipino.

Naging halimbawa aniya si Morales ng hindi pagkiking korap, sipag, vision at pagiging isang lider.

Matatandaang nagretito na bilang Ombudsman si Morales matapos ang pitong taong termino mula 2011 hanggang 2018.

Si Morales ang ikalawang Ombudsman na nakumpleto ng buo ang termino sunod kay Aniano Desierto.