Bangkay natagpuan sa isang bakanteng lote sa Iloilo
Bangkay na nang matagpuan ang isang barangay tanod sa Barangay Bagacay East, Maasin, Iloilo.
Kinilala ang biktima na si Emilio Macaya, 55 taong gulang.
Ayon kay Maasin Municipal Police chief, Inspector Jose Gatuslao, isang caretaker sa itinatayong apartment sa tabi ng bakanteng lote ang nakakita sa bangkay.
Mayroon umanong laslas sa kanyang leeg si Macaya, bukod pa sa mga sugat sa iba’t ibang bahagi ng kanyang katawan.
Ayon kay Gatuslao, batay sa kanilang imbestigasyon ay hindi sa bakanteng lote pinaslang ang biktima. Aniya, posibleng sa ibang lugar ginawa ang krimen at itinapon lamang ang bangkay sa bakanteng lote.
Patuloy pa ang imbestigasyon ng pulisya tungkol sa krimen, partikular ang salarin at motibo sa pamamaslang. Ani Gatuslao, mayroon na silang mga tinitingnang persons of interest sa ngayon.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.