Klase sa lahat ng antas sa QC sinuspinde dahil sa traffic at pagbaha

Sinuspinde na ni Quezon City Mayor Herbert Bautista ang klase sa lahat ng antas sa lungsod, public at private.

Ito ay makaraang makaranas ng matinding traffic sa mga lansangan sa lungsod bunsod ng pagbaha na naranasan Biyernes ng umaga.

Inilabas ang anunsyo hinggil sa suspensyon pasado alas 10:00 ng umaga na ayon sa City Government ay effective immediately.

Madaling araw pa lang ng Biyernes inuulan na ang malaking bahagi ng Metro Manila.

Ang malakas na buhos ng ulan ay nagdulot ng pagbaha sa maraming lansangan na sinundan ng halos hindi gumagalaw na daloy ng mga sasakyan.