2 lalaki patay sa pamamaril sa Cebu International Convention Center
Dalawang lalaki ang patay makaraang pagbabarilin ng mga suspek sa compound ng Cebu International Convention Center (CICC) sa Mandaue City.
Kinilala ang biktimang sina Ropil Norvaso at Ricky Andujar na kapwa residente ng Barangay Binaliw, Cebu City.
Tatlong lalaking sakay ng motorsiklo ang suspek sa pamamaril.
Sa ginawang imbestigasyon, natagpuan sa wallet ni Norvaso ang court release order para sa kaniyang kasong reckless imprudence resulting to homicide.
Nangangahulugang kalalabas lamang nito ng bilangguan.
Si Andujar na noon ay kasama ni Norvaso ay nagawa pang makatakbo palabas ng CICC pero hinabol pa ng mga salarin at nabaril siya sa bahagi ng Guizo Barangay Hall.
Patuloy pa ang imbestigasyon ng mga otoridad sa insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.