Metro Manila, mga kalapit na lalawigan maagang inulan
Maagang nakaranas ng malakas na buhos ng ulan ang metro manila at mga kalapit nitong lalawigan.
Sa inilabas na thunderstorm advisory ng PAGASA alas 4:35 ng umaga, heavy hanggang intense ang naranasang pag-ulan sa Metro Manila, Zambales, Rizal, Bulacan, Cavite, Batangas, Laguna at Bataan.
Dahil sa tuluy-tuloy na malakas na buhos ng ulan ilang lansangan sa Metro Manila ang nakaranas na ng gutter deep na pagbaha.
Agad din namang humupa ang pagbaha nang huminto ang malakas na buhos ng ulan.
Samantala, alas 6:25 naman ng umaga, sinabi ng PAGASA na muling nakaranas ng malakas na pag-ulan ang Mandaluyong, Maynila at Makati; mga bayan ng Nasugbu at San Luis sa Batangas; Magallanes, Maragondon, Ternate, Gen. Emilio Aguinaldo sa Cavite; Morong, Bataan; at sa San Antonio at Subic sa Zambales.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.