Umakyat sa 13.6% ang pagtaas ng kita ng Pilipinas sa unang bahagi ng taong 2018.
Ito ang pagmamalaki ni Finance Secretary Carlos Dominguez sa kanyang pagharap sa pagdinig ng Kamara sa panukalang P3.757 trilyon na pondo sa susunod na taon.
Sinabi ni Dominguez na ang pagtaas ng revenue ng bansa ay bunsod ng pagtaas ng nakokolektang buwis dahil na rin sa mga repormang ipinapatupad ng Duterte administration.
Malaki aniya ang naitulong ng TRAIN Law para sa patuloy na improvement ng tax collection sa bansa na umabot sa P33.7 bilyon.
Tumaas din sa 20% ang sin tax collection sa P1.1 trilyon na mas mataas kumpara sa P193 bilyon noong 2016.
Ang kita aniya ng Bureau of Customs (BOC) na umabot sa 33% habang ang ibang non-tax revenues ay tumaas sa 45% sa unang kalahating taon ng 2018.