Car bomb Basilan, tinawag na terrorist attack ng Malakanyang; mga suspek pananagutin sa batas

Itinuturing na terrorist attack ng Malakanyang ang pagsabog ng isang sasakykan sa Lamitan City sa Basilan na ikinsawi ng labingisang katao.

Ayon kay Presidential Spokesperson Harry Roque, mariing kinokondena ng pamahalaan ang insidente.

Ani Roque, mayroong nang ginagawang imbestigasyon ang mga otoridad sa naganap na pagsabog.

Tiniyak din ni Roque na mananagot sa batas ang mga taong nasa likod ng pag-atake.

Una rito, sinabi ni Lamitan City Vice Mayor Roderick Furigay sa Inquirer na kabilang sa mga nasawi ang tatlong babaem 5 CAFGU, 1 bata, 1 sundalo at ang hinihinalang bomber.