Payo ni Pang. Duterte sa mga opisyal ng gobyerno na mahilig magbiyahe, magtayo na lang ng travel agency

Pinayuhan ni Pangulong Rodrigo Duterte ang mga opisyal ng gobyerno na mahilig magbiyahe sa abroad na mag-resign na lamang at magtayo na lamang ng travel agency.

Ayon sa pangulo, hindi kasi makatwiran na gamitin ang pondo ng gobyerno para dumalo sa mga komperensya sa labas ng bansa na wala namang kabuluhan.

Sinabi pa ng pangulo na kung gustong maging turista ng mga opisyal ng gobyerno ang pagtatayo ng travel agency ang pinakamainam na pamamamaraan para makabiyahe sila sa labas ng bansa

Dismayado ang pangulo dahil ilang matalik na kaibigan na na kanyang naitalaga sa pwuesto ang nasibak na sa serbisyo dahil sa madalas na pagbiyahe sa abroad

Aminado rin ang pangulo na hanggang ngayon hindi pa niya nasusugpo ang korapsyon sa pamahalaan dahil kaliwa’t kanan pa ang pagnanakaw ng mga tiwaling opisyal sa pondo ng bayan.