2nd most wanted sa CALABARZON arestado sa Rizal
Naaresto sa lalawigan ng Rizal ang isang rebelde na itinuturing din na 2nd most wanted sa CALABARZON.
Ayon kay Regional police office spokesperson Supt. Chitadel Gaoiran, ang suspek na si Raul Razo, 47 anyos na kilala rin sa alyas na “Ka Jade” ay nadakip sa kaniyang bahay sa Barangay Pinugay sa Baras, Rizal, Linggo ng gabi.
Ito ay makaraang isilbi ng Regional Mobile Force Battalion ang warrant of arrest laban kay Razo sa kasong murder na inilanas ni Judge Florencio Arellano, ng regional trial court branch 28 ng Sta. Cruz, Laguna.
Ayon sa mga otoridad, kilalang kasabi ng New People’s Army si Razo at may patong na P500,000 sa kaniyang ulo.
Hindi na idinetalye pa ng pulisya ang kaso ni Razo noong 2003, pero ayon sa militanteng grupong Akbayan, kabilang ang suspek sa 43 katao na isinangkot sa pagdukot at pagpatay kay Private First Class Eriberto Eclaveo ng Philippine Army at isang “Ka Troy” noong May 27, 2007.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.