Pang. Duterte bumisita sa burol ng pumanaw na ina ni PNP Chief Albayalde

Dumalaw si Pangulong Rodrigo Duterte sa burol ng yumaong ina ni Philippine National Police Chief Director General Oscar Albayalde sa San Fernando, Pampanga.

Kasama ng pangulo na bumisita sa burol si Special Assistant to the President Bong Go.

Nakasabay din ni Pangulong Duterte sa pagdalaw sa burol sina House Speaker Gloria Macapagal-Arroyo at Pampanga Governor Lilia Pineda.

Noong Biyernes, ipinagpaliban ang nakatakdang paglulunsad ng Clean Rider Program ng PNP dahil nga sa pagpanaw ng ina ni Albayalde.

Sa halip itinakda na lamang muli ang launching na naturang programa sa August 1, 2018 araw ng Miyerkules.