Idineklara ang state of calamity sa buong lalalwigan ng Occidental Mindoro dahil sa malawakang pagbahang naranasan sa 11 munisipalidad, kabilang na ang kabisera nitong Mamburao.
Ayon sa MIMAROPA PIA, nananatiling nakaagapay ang Provincial Disaster Risk Reduction and Management Office (PDRRMO) at mga Municipal Disaster Risk Reduction and Management Councils (MDRRMCs) sa mga nasalanta ng pagbaha.
Patuloy aniya ang pagsasagawa ng relief operations, maging rescue missions sa mga residenteng na-trap sa baha.
Samantala, maging ang El Nido sa Palawan ay kasalukuyan nasa ilalim ng state of calamity dahil din sa halos isang linggong walang patid na mabigat na pag-ulan na nagresulta sa mga pagbaha sa mga barangay.
Kabilang dito ang Barangay Aberawan, Bucana, Masagana, New Ibajay, at Villa Libertad.
