Bigtime rollback sa produktong petrolyo epektibo na

Epektibo na ang tapyas sa presyo ng mga produktong petrolyo ng mga kumpanya ng langis.

Ilan sa mga kumpanya ay nagpatupad na ng bawas sa presyo kahapon, araw ng Lunes habang ang iba ay nagpatupad kaninang hating-gabi at ngayong umaga.

Natapyasan ang presyo ng kada litro ng gasolina ng P0.70, samantalang P1 sa kada litro ng diesel at P1.25 naman ang bawas sa kada litro ng kerosene o gaas.

Unang nagpatupad ang Petro Gazz, alas-6 ng Lunes, sinundan ng Eastern Petroleum, ganap na alas-12 ng tanghali at Unioil, alas-2 ng hapon.

Ang Seaoil naman ay eksakto alas-12:01 nagpatupad ng rollback habang ang Shell, Caltex, Phoenix Petroleum, PTT Philippines, Flying V, Jetti Petroleum, Total at Petron kaninang alas-6 ng umaga.