Boracay, hindi hahayaang tuluyang masira ni Pangulong Duterte
Hindi hahayaan ni Pangulong Rodrigo Duterte na tuluyang masira ang isla ng Boracay.
Sa kanyang talumpati sa kanyang ikatlong State of the Nation Address (SONA) ay sinabi nito na nakakalungkot na ang isa sa pinakamagandang yaman ng bansa at hinahangan ng mundo ay siyang halimbawa ng kapabayaan ng mga opsiyal ng gobyerno.
Hinimok ng pangulo na gawin ng mga lokal na pamahalaan ang kanilang tungkulin sa pangangala sa kalikasan.
Matatandaang matapos ideklara ni Pangulong Duterte na isang ‘cesspool’ ang naturang isla ay ipinag-utos nito ang pagpapasara dito noong April 26 na nakatakdang muling buksan sa darating na October 26.
Ayon sa pangulo, susunod dito ang rehabilitasyon ng iba pang tourist destination sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.