Acting CJ Carpio, kinumpirmang dadalo sa SONA ni Pangulong Duterte

Dadalo si acting Chief Justice Antonio Carpio sa ikatlong State of the Nation Address (SONA) ni Pangulong Rodrigo Duterte sa Lunes.

Ayon kay House of Representatives Secretary-General Cesar Pareja, kinumpirma ito ni Carpio.

Bago ito, sinabi ni Pareja na hindi dadalo ang acting chief justice sa SONA ni Duterte.

Nilinaw ni Carpio na hindi aniya pinaunlakan ang imbitasyon na ipinadala bago pa man mapatalsik si Maria Lourdes Sereno bilang punong mahistrado.

Ipinahayag ng acting chief justice na dadalo siya sa SONA bilang kinatawan ng hudikatura.

Iniimbitahang dumalo sa SONA ang lahat ng mga pinuno ng mga ahensya ng gobyerno.